Një konflikt i dhunshëm raportohet të ketë ndodhur sot në fshatin Margegagj të Tropojës. Në debat e sipër një 51-vjeçar me iniciale G.B ka plagosur me thikë fqinjin 61-vjeçarin me iniciale H.B.
Policia bën me dije se sherri mes dy personave ka ndodhur për motive pronësie. I plagosuri është transportuar në spital, ndërsa autori është arrestuar.
Në banesën e 51-vjeçarit, Policia gjeti dhe sekuestroi arsenal armësh dhe uniforma ushtarake.
Konkretisht në banesën e 51-vjeçarit u gjetën dhe sekuestruan 1 armë zjarri mitraloz, 2 armë zjarri automatik, 2420 fishekë dhe 5 uniforma ushtarake. Materialet procedurale i kaluan Prokurorisë, për veprime të mëtejshme.
Njoftimi i Policisë
Finalizohet nga Komisariati i Policisë Tropojë, operacioni policore i koduar “Margegaj”. Ndërhyrja në kohë e Policisë parandalon një ngjarje të mundshme kriminale, në fshatin Margegaj.
Plagosi me mjet prerës, fqinjin e tij, për motive pronësie, arrestohet në flagrancë 51- vjeçari. Në banesën e 51-vjeçarit, Policia gjen dhe sekuestron arsenal armësh dhe uniforma ushtarake.
Armët e sekuestruara do të dërgohen në Institutin e Policisë Shkencore, për ekzaminime të mëtejshme, për të parë nëse janë përdorur ose jo në ngjarje kriminale të ndodhura më parë.
Pas njoftimit se në fshatin Margegaj, disa shtetas po konfliktoheshin me njëri-tjetrin, shërbimet e Komisariatit të Policisë Tropojë kanë organizuar menjëherë punën dhe kanë mbërritur në vendngjarje.
Nga ndërhyrja e shpejtë dhe profesionale e shërbimeve të Policisë, e kryer në kuadër të operacionit policor të koduar “ Margegaj ”, u bë i mundur parandalimi i një ngjarjeje të mundshme kriminale, si dhe arrestimi i shtetasit të përfshirë në konflikt G. B., 51 vjeç, banues në fshatin Margegaj, Tropojë.
Ky shtetas, pas një konflikti për motive pronësie, me fqinjin e tij, shtetasin H. B., 61 vjeç, e ka plagosur atë me mjet prerës, në krah. Në vijim të veprimeve, shërbimet e Policisë, gjatë kontrollit të ushtruar në banesën e shtetasit G. B., gjetën dhe sekuestruan 1 armë zjarri mitraloz, 2 armë zjarri automatik, 2420 fishekë dhe 5 uniforma ushtarake. Materialet procedurale i kaluan Prokurorisë, për veprime të mëtejshme.
A ju ndihmoi ky artikull?PoJo
