Këngëtarja e njohur Anjeza Shahini kujtoi sot përvjetorin e saj të 9-të të martesës. Në vitin 2015 artistja lidhi kurore me diplomatin anglez Paul Edward Conolly. Permes disa postimeve në Instagram ajo i ka treguar publikut momente nga dasma madhështore e asaj kohe, ndersa krahas fotos vendosi numrin 9 dhe një zemër të bardhë.
Në vitet 2000, Anjeza Shahini ishte në kulmin e karrierës së saj si artiste. Këngëtarja shumë e dashur për publikun ka mbajtur me vite “fronin” si një ndër zërat më të pëlqyer, duke marrë vlerësime në kompeticionet shqiptare dhe jo vetëm. Por, jeta e këngëtares ndryshoi totalisht kur u martua me Conolly. Ajo u shpërngul në Angli, larg famës dhe larg angazhimeve të saj në muzikë. Në jetën e saj të re, si bashkëshorte, por edhe si nënë e Victorias, preferoi të mos ishte dhe shume aktive ne rrjetet sociale.Kengetarja u be nene ne 2019-ten.
Kohë më parë ajo përmes një postimi në “Instagram”, duke ndarë një video nga dalja e saj e fundit në një skenë shqiptare u shpreh se ishte e lumtur që konkurrimet në festivale i kishte mbyllur me këngë dhe plot energji dhe ngjyra. Menjëherë pas këtij postimi u aludua se këngëtarja do të largohej përfundimisht nga muzika dhe nga të kënduarit. Këtë gjë e përgënjeshtroi Anjeza duke thënë: “Hej të dashtun, si shpeshherë pasi postoj diçka, më duhet ta pasoj me një postim sqarimi. Në postin tim të mëparshëm shkrova që e kam mbyllur me festivalet. Nuk mendova se ishte një surprizë pasi më duket e natyrshme që një artist të kalojë faza të ndryshme të zhvillimit të tij artistik. Unë sigurisht do vazhdoj të këndojë. Dashtë Zoti na e bën mbarë…”.
Galeria fotografike
bal
