Antonela është një nga personazhet publik e cila qysh në “Për’puthen” ka dashur që famën e saj t’a përdorë edhe për t’u bërë pjesë e muzikës.
Mirëpo, asokohe ajo nuk arriti t’a publikonte bashkëpunimin me ish konkurrentin tjetër Arsimin, ndaj dëshira e saj u përmbush pas pjesmarrjes në “Big Brother VIP”.
Së bashku me Sabianin, ajo publikoi këngën “Barbie”, e cila numëron 3 milion klikime në YouTube.
Nëse menduat se Antonela do të ndalej këtu, e keni gabim!
Gjatë një interviste të fundit për “Ftesë në 5”, ajo tregoi se ka dëshirë të bëjë edhe një këngë tjetër, këtë herë me këngëtaren e njohur Ronela Hajati.
“Mund të bëj dhe ndonjë këngë të re së shpejti, do më pëlqente një bashkëpunim me Ronela Hajatin”, tha ndër të tjera ajo.
