Kastraveci rekomandohet shumë të aplikohet edhe në zonën e syve kundër rrathëve të zinj dhe në të gjithë fytyrën sepse është i pasur me biotinë dhe vitaminat A, B1 dhe C.
Duke qenë se 96 përqind e kastravecit përbëhet nga uji, kjo nënkupton që falë tij, lëkura është më e hidratuar.
Kastraveci njihet si qetësues natyral i lëkurës e sidomos asaj të fytyrës, duke e mbushur me antioksidantë që largojnë rrudhat dhe thatësinë e dëmshme.
Çfarë ju duhet?
1 kastravec i vogël dhe 2-3 lugë gjelle kos
Përgatitja e maskës
Për të krijuar këtë maskë siç edhe e lexuat duhen vetëm dy përbërës dhe mund të nisni nga puna.
Grini kastravecin hollë në rende dhe vendoseni në një enë.
Më pas shtoni po aty edhe kosin dhe përzieni mirë me lugë të gjithë masën.
Më pas këtë masë aplikojeni menjëherë mbi lëkurë të pastër në mënyrë të njëtrajtëshme.
Sigurohuni që ajo të mbulojë të gjithë fytyrën njësoj dhe shtrihuni të pushoni diku, në mënyrë që të evitoni ndotjen e ambientit përreth apo rrobave me kos.
Këtë trajtim mbajeni mbi fytyrë për 5-10 minuta derisa të thahet e më pas shpëlani fytyrën me ujë të bollshëm.
