E teksa kërkimet vijojnë për të gjetur pesë anëtarët në bordin e nëndetëses së humbur “Titan”, një debat është ngritur në rrjet. Ka qenë reperja Cardi B e cila është përfshirë në një konflikt virtual me djalin e një prej anëtarëve të zhdukur të ekuipazhit të “Titan”.
“Çështja është se e gjithë bota po lutet për këta nejrëz në nëndetëse dhe ky djalë po dridhet në internet dhe shkon në koncertet e Blink 182”, shkruajti më herët reperja në një nga postimet e njerkut të miliarderit Hamish Harding, Brian Szasz. “Ti kërkoje pushtet gjatë gjithë kohës, askush nuk e dinte se kush ishe derisa thua se ishte njerku!!! Kjo është arsyeja pse njerëzit ju urrejnë, miliarderët e llastuar, që do të desensibilizohen shumë”, shtonte ajo.
Tweet-i i Cardi ishte në përgjigje të Szasz që merrte pjesë në një koncert Blink-182 në San Diego, ndërsa kërkimet për të gjetur dhe shpëtuar njerkun e tij si dhe pesë persona të tjerë në bordin e zhytësit vazhdojnë.
Ky reagim i reperes mori me mijëra duartrokitje nga ndjekësit, të cilët njëjtë si Cardi B edhe ata thanë se Szasz duhet të ishte duke qarë, duke pritur me padurim telefonin për ndonjë lajm dhe duke mbështetur nënën e tij.
Vijojnë kërkimet e shumta për të pestën ditë në vendin e mbytjes së Titanikut, në kërkim të nëndetëses që është zhdukur që nga e diela me pesë persona në bord.
Sipas Rojes Bregdetare Amerikane oksigjeni në nëndetëse parashikohet të ketë mabruar. E teksa shpresat janë të pakta, anija kërkimore “Atlante” franceze e cila mban një robot dhe ka aftësi të zhytet edhe në 6000 metra, ka mbërritur në zonën e kërkimit për nëndetësen e humbur “Titan”.
Anija kërkimore “Atalante” po përdor për herë të parë. Roboti francez ka krahë të telekomanduar me të cilët mund të presë kabllot ose të kryejë manovra të tjera për të çliruar një anije të mbërthyer. Ajo gjithashtu mund të zhytet më thellë se pjesa tjetër e nëndetëseve aktualisht në vendin e mbytjes.
Pesë persona janë në bordin e Titanit në det të thellë: miliarderi britanik 58-vjeçar Hamish Harding, biznesmeni pakistanez 48-vjeçar Shahzada Daëood me djalin e tij 19-vjeçar, oqeanografin francez 77-vjeçar dhe ekspertin e Titanikut Paul. -Henri Narzollet dhe Stockton Rush, themelues dhe drejtues i OceanGate.
