Më në fund është dokumentuar lidhja mes dy aktorëve shumë të pëlqyer nga shqiptarët prej serialit Çapkëni i Pasur, i cili po thyen rekord shikueshmërie në të gjithë botën.
Afra Safraçoglu dhe Mert Ramazan Demir, për muaj të tërë mohuan thashethemet, por së fundmi janë fotografuar nga paparacët teksa shkëmbenin një puthje.
Dyshja ndodhen me pushime në Göcek. Pamjet e çiftit, kanë bërë xhiron në rrjetet sociale. Duke shijuar detin dhe diellin, të dashuruarit kanë kaluar momente romantike në det.
Lidhja e dy aktorëve ka shkaktuar dhe shumë kritika pasi Mert ka qenë shok me ish-të dashurin e Afrës, Mert Yazicioglu. Ata u ndanë pas 4 vitesh bashkë dhe Afra hodhi poshtë thashethemet se dikush i tretë ishte shkak i ndarjes së tyre.
