Mbreti Karli III dhe Kamila kanë konfirmuar se do të largohen nga shtëpia e tyre prej 20 vitesh, Clarence House, dhe do të transferohen në Pallatin Buckingham, por kjo nuk do të ndodhë deri në vitin 2027.
Ata do të vendosen kur të përfundojnë punimet dhe në këtë fazë do të nisë rinovimi i banesave të tyre. Pallati Buckingham është një nga ndërtesat më ikonike në botë, duke tërhequr mbi 15 milionë turistë çdo vit.
“Infrastruktura e ndërtesës ka nevojë për një rregullim të plotë për të shmangur dëmtimin afatgjatë të ndërtesës dhe përmbajtjes së saj,” thotë familja mbretërore në faqen e saj të internetit.
“Mënyra më me kosto efektive për të zëvendësuar këto shërbime thelbësore dhe për të siguruar që Pallati të jetë i përshtatshëm për 50 vitet e ardhshme është të ndërmerret një program me faza të punimeve për dhjetë vjet.”
Projekti 428 milionë euro ka nisur që kur Mbretëresha Elizabeta II ishte gjallë dhe tani Mbreti Karli III po e çon përpara, ndërsa ka refuzuar edhe ngrohjen për të mos rënduar mjedisin. Megjithatë, nuk është bërë e qartë nëse Karli III do të mbajë Clarence House si një rezidencë të dytë ose do të lejojë anëtarët e tjerë të familjes të banojnë atje.
Ndërsa puna e ruajtjes zhvillohet në Pallatin Buckingham, mijëra sende nga Koleksioni Mbretëror po hiqen nga Krahu Lindor për të lejuar që rinovimet e mëdha të ndodhin pranverën e ardhshme, me shumë artikuj që do të ekspozohen në Pavijonin Mbretëror të Brighton./abcnews.al
