Jo në çdo rast të frymëzohesh nga dikush dhe më pas të përshtasësh diçka do të admirohet. Këtë ka përjetuar së fundmi modelja Kendall Jenner në shfaqen e modës Jacquemus në Chateau de Versailles.
E inspiruar nga stili i Princeshës Diana, zgjodhi të ecte mbi tapetin e kuq me një fustan të bardhë të fryrë, ngjasuar me një re.
Por po të hedhim një vështrim në rrjetet sociale, kjo nuk u prit shumë mirë nga ndjekësit. Në vend që të merrte komente admiruese dhe gulçime të habitura, Kendall Jenner u bë objekt i shumë shakave tallëse.
I gjithë koleksioni u frymëzua nga moda ikonike e Princeshës Diana. Gjithashtu ajo që ra në sy ishte dhe vendosja e publikut, të cilët ishin ulur në varka, veshur me material të bardhë, krem.
Sapo modelja ka shpërndarë fotot në Instagramin e saj, fansat kanë lënë menjëherë komentet e tyre tallëse.
Dikush komentoi: “A është kjo modë? Sepse duket si pelenë”. “Nuk e kuptova që mbajtja e pelenave për të rritur konsiderohej si modë. Ju mësoni diçka të re çdo ditë”, shtoi një tjetër.
