Dukesha e Sussex sot mbush 42 vjeç dhe pa dyshim që do të festojë ditën e madhe me bashkëshortin e saj Princin Harry, dy fëmijët e tyre (Princi Archie dhe Princesha Lillibet) dhe nënën e saj Doria Ragland.
Pesë vitet e fundit kanë qenë një vorbull për Meghan Markle: ajo u martua me Harry-n në vitin 2018, lindi dy fëmijë, pa jetën e saj të bëhej tema NR. 1 e diskutimit, mori vendimin për të ndryshuar jetën e saj dhe për të lëvizur me të dashurin e saj në SHBA.
Ndërsa Dukesha pritet të festojë ditëlindjen e saj në mënyrë private, ajo ka ndarë më parë disa njohuri se si ndihet për t’u rritur.
“Të 20-ate mia ishin brutale, një betejë e vazhdueshme me veten time, duke gjykuar peshën time, stilin tim, dëshirat e mia”, shkruante ajo vite më parë.
“Vitet e mia të adoleshencës ishin edhe më keq, po luftoja për të gjetur veten”, shtoi ajo.
Dhe duket se në të tridhjetat ajo kishte gjetur vërtet veten! “Duhet të kem qenë rreth 24 vjeçe kur një drejtor i kastingut më shikoi gjatë një audicioni dhe më tha: “Duhet të dish se ke nevojë për më pak grim, më shumë Meghan”, ka shkruar Meghan Markle.
Në moshën 35-vjeçare, Meghan u takua me bashkëshortin e saj të ardhshëm, Princin Harry dhe gjërat kanë ecur fort që atëherë. Krijimi i një familjeje, dy fëmijë i dhanë një tjetër kuptim jetës së saj.
“Është magjike, është shumë e mahnitshme. Unë kam dy fëmijët më të mirë në botë, kështu që jam shumë e lumtur”, tha Meghan.
Në kohën kur Meghan mbushi ditëlindjen e saj të 40-të në gusht 2021, Duka dhe Dukesha ishin vendosur tashmë në shtëpinë e tyre në Montecito me Archie dhe të porsalindurin Lilybet Diana. Për të festuar dekadën e saj të re, Meghan ndau disa mendime teksa nisi një iniciativë për gratë…
“Duke reflektuar për ditëlindjen time të 40-të dhe shumë gjëra për të cilat jam mirënjohëse, jam e mahnitur nga fakti që koha është një nga dhuratat tona më të mëdha. Koha me të dashurit tanë, koha për të bërë gjërat që duam, koha e kaluar duke mësuar, duke qeshur, duke u rritur dhe koha e shenjtë që kemi në këtë tokë,” ndau ajo me audiencën./abcnews.al
