Vendet e Amerikës së Jugut të Amazonës kanë njoftuar krijimin e një aleance për të luftuar shpyllëzimin, në një deklaratë të përbashkët të publikuar me rastin e samitit të mbajtur në qytetin brazilian të Belem.
”Kjo aleancë synon të promovojë bashkëpunimin rajonal në luftën kundër shpyllëzimit, për të parandaluar që Amazona të arrijë pikën pa kthim”, thuhet në deklaratën e nënshkruar nga Brazili, Bolivia, Kolumbia, Ekuador, Guajana, Peru, Surinami dhe Venezuela.
Tetë vendet që ndajnë pellgun e Amazonës nuk kanë arritur një objektiv të rënë dakord për t’i dhënë fund shpyllëzimit.
Delegatë nga vendet po takohen në qytetin brazilian të Belem për një samit dy-ditor mbi këtë çështje, takimi i parë i tillë në 14 vjet.
Një deklaratë e përbashkët të martën krijoi një aleancë për të luftuar shpyllëzimin, por e la çdo vend të ndiqte qëllimet e veta të ruajtjes.
Ruajtja e Amazonës është një pjesë qendrore e përpjekjeve për të trajtuar ndryshimet klimatike.
Përpara samitit, presidenti brazilian Luiz Inácio Lula da Silva kishte bërë thirrje për një qëllim të përbashkët për t’i dhënë fund shpyllëzimit deri në vitin 2030, një politikë që qeveria e tij tashmë e ka miratuar.
Rreth 60% e Amazonës, pylli më i madh i shiut në botë, shtrihet në Brazil. Vendet e tjera të përfaqësuara në tubim janë Bolivia, Kolumbia, Ekuador, Guajana, Peruja, Surinami dhe Venezuela.
