Dashi
Hëna e re do ketë ndikimin më të madh tek jeta juaj sot dhe do jene financat ato që do privilegjohen më tepër nga të gjitha. Nëse jeni në një lidhje nuk do i shmangni dot debatet, por për fatin e mirë gjithçka do përfundojë si duhet. Durimi dhe heshtja do ju ndihmojnë mjaft. Ju beqarët do filloni të ndieni shumë për një mik të afërt që në fakt e ka tashme një lidhje. Më mirë mbajini ata sa më larg që të mos bëni gabime. Në punë yjet do ju ndihmojnë dhe do keni ndryshime goxha pozitive. Do jeni përherë më të mirën nga vetja. Financat nuk kanë qenë ndonjëherë më të mira sesa sot.
Demi
Ideja për të ndryshuar drejtim sot do bëhet edhe më ë fortë. Marsi do ju bëjë të reflektoni më gjatë para se të hidhni hapa. Nëse jeni në një lidhje mbyllja në vetvete për disa momente për te reflektuar për hapat që do hidhni do ju bëjë shumë mirë. Në fund të ditës priten surprizat më të mëdha. Për ju beqarët dita nuk ka për të qenë ekzaktësisht si e keni dëshiruar, por gjithsesi nuk do jetë aspak e keqe. Nëse jeni në kërkim të një pune prej kohësh sot më në fund do arrini ta gjeni atë. Nëse e keni një të tillë zhvillimet kanë për të qenë pozitive. Shpenzime mund të kryeni, por vetëm me llogari.
Binjakët
Sot do jeni gjithë kohës në kërkim të një jetë ideale dhe të mbushur me qetësi, por bujaria do jetë pika e dobët. Nëse keni një lidhje bëjini sytë katër dhe mos besoni verbërisht tek ato që do iu thotë partneri. Dashurojuni me të, por ruani gjithmonë një fije mosbesimi për ato që do ju thitë. Nëse jeni ende në kërkim të partnerit ideal, sot të gjitha kushtet do jene në favorin tuaj. Në punë do jeni më të hapur dhe do i dëgjoni këshillat që do iu japin të tjerët. Në këtë mënyrë do arrini edhe më lart. Me financat tregohuni të kujdesshëm që nesër mos keni të papritura.
Gaforrja
Duke u kujdesur më shumë për të tjerët ka rrezik ta lini pas dore jetën tuaj dhe gjërat mund të përkeqësohen. Merrni masa sa pa qenë vonë. Nëse keni një lidhje mos kërkoni gjëra të pamundura nga partneri dhe mos u hiqni si perfeksionistë sepse nuk jeni. Po nuk i pranuat gabimet dhe po nuk u kthyet në realitet keni për të pasur probleme shumë serioze. Ju beqarët duhet të pranoni të dilni në mbrëmje me miqtë sepse mundet edhe t’iu shfaqen persona interesantë. Në punë mundohuni të përqendroheni në një drejtim sepse po u morët me shume gjëra njëherësh nuk do arrini asgjë. Buxheti do mbetet po njësoj.
Luani
Perspektivat duken goxha të mira sot për ju, por gjithsesi duhet të keni vullnet dhe dëshirë për t’u bërë gjërat si duhet. Nëse jeni në një lidhje, marrëdhënia më partnerin do funksionojë më mirë se me parë. Do hiqni dorë nga disa zakone të këqija dhe do i prani edhe kritikat e partnerit. Ju beqarët do prekeni nga një sëmundje e mirë e zemrës, e cila quhet dashuri. Shumë gjëra do i shihni ndryshe që sot. Në punë asgjë nuk do ju pengojë të realizoni të gjitha planet që keni bërë. Me shpenzimet mos e ekzagjeroni që të mos keni probleme në vazhdimësi. Duhet pasur kujdes përherë.
Virgjëresha
Ndërlidhni imagjinatën me energjinë dhe asgjë nuk do ju rezistojë dot gjatë kësaj dite. Gjërat kanë për t’iu ecur mirë kudo, por në punë do shkëlqeni edhe më shumë. Nëse jeni në një lidhje do ju lindin plot ide si ta bëni çdo çast edhe më të bukur. Do filloni të bëni plane e mund të mendoni edhe për sakrifica që gjithçka të jetë sa më e bukur. Ju beqarët do afroheni edhe me shume më një person të rrethit shoqëror. Marsi dhe Plutoni do jenë planetët që do ju mbështesin më së shumti në punë. Do keni ide inovative, do jeni këmbëngulës dhe do keni gjithë arritjet e shumë dëshiruara. Në planin financiar maturia nuk do ju lejojë të gaboni.
Peshorja
Ide të reja do lindin sot dhe arrini ta bëni ditën akoma më të bukur. As intuita nuk do ju lejojë të gaboni. Nëse jeni në një lidhje dhe keni gjëra për t’i thënë partnerit apo kritika për t’i bërë gjeni momentin dhe fjalët e duhura. Nëse nuk tregoheni të matur gjithçka do shpërtheje si vullkan dhe nuk do e merrni veten lehtësisht. Ju beqarët do favorizoheni mjaft nga yjet dhe gjërat do ju ecin fiks ashtu si i kishit ëndërruar. Në punë do iu jepen detyra të reja të cilat do ju shtojnë stresin ama edhe do ju kënaqin. Quajeni vlerësim atë që do bëjnë shefat. Shpenzimet me zor do arrini t’i kontrolloni dhe mund t’iu dalë ndonjë problem i vogël.
Akrepi
Sot do jeni në humor të shkëlqyer dhe të gatshëm për të bërë edhe gjëra të veçanta. Në disa fusha do arrini suksesin e shumëpritur. Ju qe keni një lidhje do jeni pafund bashkëpunues me partnerin dhe do bini dakord për të provuar diçka të re që mund t’ua zbukurojë jetën. Për ju beqarët zemra do flasë sot dhe do ju drejtojë të hidhni hapat e duhura. Dëgjojeni atë sepse nuk do ju zhgënjejë. Në punë të gjithë do kërkojnë këshilla nga ju sepse jeni më të vërtetë të zotët. Shfrytëzojini arritjet për të kërkuar më shumë nga shefat. Sektori i financave nuk do jetë problematik kështu që mund të vazhdoni t’i kryeni shpenzimet.
Shigjetari
Sot do i shprehni akoma më shumë ndjenjat dhe do mundoheni t’i bëni ata që keni pranë të ndihen më mirë. Ju të dashuruarit nuk do ndaleni së bëri surpriza për partnerin dhe ai do ju dashuroje me më shumë pasion. Çdo çast pranë tij do jetë si në një ëndërr të bukur. Në mbrëmje mund t’iu ndodhë edhe diçka që as e kishit imagjinuar të ndodhte kaq shpejt. Zemra do rrahë si asnjëherë më parë. Ju beqarët nuk do e keni prioritet ndryshimin e statusit, por çdo gjë do ju ndodhë si me magji. Në punë ndryshime do ketë, por të gjitha do jenë në favorin tuaj. Financat do kalojnë një periudhe goxha të vështirë.
Bricjapi
Bashkëpunimi i Diellit me Hënën do bëjë që jeta juaj të jetë e mrekullueshme sot. Do jeni magnetikë, të përshtatshëm dhe optimistë. Nëse keni një lidhje ka mundësi të bini dakord për gjithçka dhe mund të merrni edhe vendimet e duhura. Nuk do ketë aspak re në qiellin tuaj të dashurisë. Ju beqarët do jeni plot sharm dhe do arrini të bëni për vete cilindo person që do ia vini syrin. Dita do përfundoje ashtu si e keni ëndërruar gjithmonë. Në punë do keni edhe më shumë sukses nga sa kishit menduar. Nuk do keni druajtje as për të shprehur idetë tuaja. Financat fatmirësisht do fillojnë të normalizohen pas periudhës shumë të vështirë.
Ujori
Sot do jeni më bindës dhe më të vëmendshëm. Rrezet e diellit do fillojnë të futen paska në jetën tuaj. Nëse jeni në një lidhje do adhuroni të rrëzoni disa kode dhe zakone të partnerit, por do gjeni mënyrën e duhur për ta bërë këtë. Për fat ai do jetë me humor të mirë dhe nuk do ua prishë për asgjë. Ju beqarët do takoni persona tërësisht të ndryshëm nga vetja, por me ta mund të fillojnë së shpejti lidhje vërtet të bukura. Në punë nuk do ju mungojnë aspak idetë, por thjesht do ju duhet pak më shume guxim. Pranojeni mbështetjen e kolegëve ose familjarëve. Financat do jenë mjaft interesante.
Peshqit
Marsi do ju ndihmojë të keni edhe më shumë sukses dhe arritje sot. Do e keni edhe më të lehtë t’i shprehni pikëpamjet tuaja. Nëse jeni në një partneri do ju mbajë në pëllëmbë të dorës. Mirëqenia dhe lumturia juaj do jenë mbi gjithçka për të. Nuk do mungojnë as çastet romantike që do ju bëjnë të ndiheni vërtet si në ëndërr. Nuk do keni çfarë të kërkoni më tepër. Ju beqarët do jeni më të favorizuar se disa ditë më parë dhe do realizoni njohje të reja në ambientet më pak të imagjinuara. Në punë do e fitoni “luftën” pa luftuar aspak. Kjo është zotësia juaj kështu që bravo ju qoftë. Edhe financat do jene të mira. Të gjitha sakrificat e bëra do japin frytet e veta.
