Ardiana Ahmeti është një nga femrat shqiptare në Diasporë, të cilat kanë vendosur ta vënë vetën në lëvizje, të realizohen profesionalisht, edhe pse jetojnë prej kohësh larg vendlindjes.
Ardiana, e lindur dhe e rritur në Gjakovë, që në moshën 16 vjeçare ka punuar me makinë qepëse dhe qëndisje.
Pas marteses dhe shkruarjes në Zvicër në vitin 2003, për të nisi një jetë e re.
Obligimet familjare, rritja e tre fëmijëve, e mbajtën larg punës dhe angazhimit profesional, por prej një viti kjo zonjë duar artë i është riktnyer sërish zanatit të vjetër, ama këtë herë në një mënyrë të re.
Ardiana, tashmë ka biznesin e saj privat që quhet “Ardiana Broderie”, ku përmes makinerisë profesionale e moderne, bënë qëndisjen e logove speciale për firma e biznese të ndryshme.
“Ardiana Broderie” bënë qendisjen profesionale në këmisha, bluze të bebeve, peshqira, e materiale të ndryshme.
Ardiana Ahmeti jeton dhe vepron në St.Maurice të Zvicres, thotë se është shumë e lumtur që tashmë ka biznesin e saj, të cilin e ka trashëguar nga nëna.
Këto janë punimet e mrekullueshme të Ardianes, me të cilen mund të kontaktoni për porosi në këtë faqe në Instagram.
