Stadiumi “Air Albania” u mbush plot e përplot me tifozë të zjarrtë mbrëmjen e djeshme për të ndjekur nga afër ndeshjen Shqipëri-Poloni, ku kuqezinjtë arritën një fitore spektakolare me dy golat e shënuar nga Jasir Asani dhe Mirlind Daku.
Pas fitores shpërtheu festa me flakadanë, e cila vazhdoi deri në orët e para të mëngjesit në kryeqytet.
Politikanë, këngëtarë, gazetarë, tifozë të zjarrtë, si dhe emigrantë të cilët kishin ardhur enkas për të mbështetur e ndjekur Kombëtaren, ndoqën mbrëmë nga afër ndeshjen historike.
Disa nga personazhet e njohura të cilët shkuan në stadium janë: Blendi Fevziu, Arbana Osmani, Marin Mema, Ermal Mamaqi, Julian Deda, Hygerta Sako etj., të cilët shijuan momente të paharrueshme nga fitorja historike.
