Krijuesi japonez i mangave Buichi Terasawa, më i njohur për veprën e tij fantastiko-shkencore “Cobra” dhe për mangën pioniere kompjuterike, ka vdekur në moshën 68-vjeçare nga një atak në zemër, njoftoi studioja e tij të hënën.
“Pavarësisht tre operacioneve për tumoret e trurit, Terasawa kishte mbijetuar me të njëjtin vitalitet si vetë Cobra, por këtë herë ai ishte zënë në befasi”, shkroi kompania e Terasawa Production në rrjetet sociale.
Today the tragic news was revealed, the mangaka, Buichi Terasawa, passed away on September 8 at the age of 68.
A pioneer of digital art and a great inspiration for many mangakas of the 80’s and 90’s.
Rest In Peace Buichi Terasawa (1955-2023). pic.twitter.com/PnGTJ0BQD0
— Monkey Punch Art (@Daily_MPunch) September 11, 2023
I lindur në vitin 1955 në ishullin Hokkaido, Terasawa u transferua në Tokio në 1976 për të studiuar nën Osamu Tezuka, i konsideruar si ‘babai’ i mangës moderne.
Në vitin 1978, vepra e tij më e njohur filloi të botohej në komiken Weekly Shonen Jump: “Cobra”, një aventurier në hapësirë, dora e majtë e të cilit fsheh një pushkë.
I apasionuar pas kinemasë, Terasaua i jep heroit të tij që shtrihet në galaktikë karakteristikat e aktorit francez Jean-Paul Belmonteau, të cilin e zbuloi në filmin ‘Pa frymë’ (1959) dhe anën e pafytyrë dhe të relaksuar të të cilit e admiron.
Kjo manga shiti rreth 50 milionë kopje në mbarë botën dhe u përshtat në një film vizatimor në Francë dhe një film të animuar.
Në fillim të viteve 1980, Terasawa filloi të krijonte vepra në kompjuter: në veçanti ai botoi The Black Knight BAT (1985) dhe më pas në 1992 “Takeru”, e konsideruar manga e parë në botë e prodhuar tërësisht në kompjuter./abcnews.al
