Puna, fëmijët, gatimet e darkës dhe përditshmëria shpesh e “kërcënojnë” jetëgjatësinë e martesës dhe raportin mes partnerëve. Por, ka një zgjidhje, sipas psikologut dhe ekspertit të marrëdhënieve Dr. John M. Gottman, i cili ka folur për website-n PureWow. Çiftet kanë më shumë gjasa të shijojnë martesën nëse ndërtojnë “harta dashurie” shumë të detajuara.
Hartat e dashurisë janë një përmbledhje e gjithçkaje që dini për partnerin tuaj: hobi, ëndrra, zhgënjime, etj. Teoria e Gottman, pjesë e një metode terapeutike që ai ka praktikuar prej 50 vitesh është se kur ne jemi të qartë në këto detaje, partneri ynë ndihet i dëgjuar dhe i vlerësuar.
Çfarë është Harta e Dashurisë?
Një hartë metaforike dhe jo fjalë për fjalë, harta e dashurisë lidhet me faktet, emocionet dhe inteligjencën e partnerit tuaj. Ju në mënyrë kreative hartoni botën e brendshme dhe të jashtme të partnerit tuaj. Psikologia Karen Bridbord thotë se çiftet që kërkojnë rregullisht kuptim të thellë të botës së njëri-tjetrit janë shumë më të lumtur.
Kur duhet një çift të provojë hartën e dashurisë?
Nuk ka kohë të gabuar. Çiftet mund ta bëjnë këtë disa herë gjatë marrëdhënies së tyre. Psikologia Dana McNeil paralajmëron se nëse emocionet dhe bisedat nuk janë themeli i marrëdhënies, do të keni probleme më vonë. “Ne kemi endorfinë dhe nuk bëjmë pyetje të vështira në fillim të lidhjes sepse nuk duam të na braktisin, por zona e rehatisë nuk shijon gjithmonë,” shpjegon ajo. Më vonë, pasi të keni hedhur një themel të njohurive dhe dëshirave për të dashurin tuaj, sfida është të qëndroni gjatë në këtë marrëdhënie.
Sa kohë zgjat harta e dashurisë?
Terapistët sugjerojnë shkarkimin e aplikacionit falas Gottman Card Decks, i cili ka një seksion “Hartat e dashurisë”. “Cili është kompozitori apo grupi muzikor i preferuar i partnerit tuaj?” apo “Çfarë kishte veshur partneri juaj kur u takuat për herë të parë?” Sfida është të zgjidhni një pyetje, t’i përgjigjeni dhe më pas ta diskutoni me partnerin. Qëllimi i aplikacionit nuk janë rezultatet apo mbajtja shënim e tyre, por biseda dhe lidhja me partnerin.
