Caitlyn dhe Kris Jenner edhe pse kanë qenë të martuar prej 22 vitesh, nuk përshëndeten më me njëri-tjetrin.
Gjatë një interviste në emisionin “This Morning”, 73-vjeçarja Caitlyn Jenner ka folur për marrëdhënien e saj me ish-bashkëshorten dhe vajzat e tyre, Kylie dhe Kendall.
Fillimisht, ai iu referua njohjes së tij me Kris Jenner, kur ai ishte ende burrë dhe quhej Bruce Jenner, para tranzicionit gjinor.
“Isha beqar për gjashtë vjet dhe me të vërtetë, po luftoja me veten, kush isha dhe si përshtatesha me botën. Sapo u bëra 40 vjeç dhe takova Chris-in, ishte si dashuri me shikim të parë ”, tha ai.
“Isha plotësisht i impresionuar me të dhe me mënyrën se si ajo e jetoi jetën e saj. Ajo kishte katër fëmijë dhe unë katër fëmijë të tjerë. U martuam pesë muaj e gjysmë më vonë, ishte shumë shpejt”, shtoi ai.
Edhe pse të dyja femrat arritën të ruanin një marrëdhënie shumë të mirë deri në vitin 2013, pavarësisht ndarjes, duket se tani, as “përshëndetje” nuk i thonë njëra-tjetrës.
“Epo, vërtet nuk flas më me Chris dhe është e trishtueshme. Nëse ka ndonjë arsye për ndonjë komunikim, menaxheri im flet me të dhe kur ke aq fëmijë sa unë, do të jesh më afër disave se të tjerëve. Jam shumë afër Jenner-it, por nuk kam asnjë kontakt me Krisin. Është e trishtueshme, sepse kemi kaluar shumë kohë së bashku”, tha ai.
