32-vjeçarja Anisa Boja, e cila ishte punonjëse në Bashkinë e Krujës është ndarë nga jeta në mënyrë të papritur.
Lajmi i rëndë është bërë me dije nga kryetari i Bashkisë, Artur Bushi i cili njoftoi se ditën e djeshme, e reja ka ndërruar jetë në rrethana pa shpjegueshme.
Ai ka shprehur keqardhjen për ndarjen e parakohshme nga jeta të 32-vjeçares dhe ka shprehur ngushëllimet e tij për familjarët e Anisës.
“Shumë i keqardhur për ndarjen e parakohshme nga jeta të punonjëses e koleges Anisa Boja, e cila për sa ishte mes nesh në Bashkinë Krujë, dallohej për nga angazhimi e serioziteti në punë, aftësia dhe mirësia për t’i shërbyer komunitetit. Ngushëllimet më të sinqerta familjarëve! U prehtë në paqe!”, shkruan kryetari i bashkisë.
