Dhuna e ushtuar ndaj 3-vjeçares në kopshtin privat “Sitnët” ka shkaktuar një debat të gjerë në rrjet dhe pakënaqësi nga shumë personazhe publike.
Në mesin e tyre është edhe moderatori Turjan Hysko, i cili ka hapur zemrën me ndjekësit e tij në instagram duke treguar shqetësimin që ndjen si prind.
“Qava sot! Pashë videon e vajzës 3-vjeçare. Atara për pak muaj mbush 3 vjeç. Vij vërdallë nëpër shtëpi e nuk di se çfarë duhet të bëj si baba, si burrë, si person publik, si qytetar.
Nuk di! Më vjen të shkoj tek shtëpia e asaj familjes e t’i përqafoj fort. I ati bënte dy punë për të ardhmen e gocës. Një çift normal që sakrifikojnë dhe kanë menduar që kopshti privat është i sigurt, është i duhuri për fëmijën e tyre. Njerëz të mirë!
Kam menduar se çfarë do i bëja unë asaj. Oooo sa gjëra kam menduar, por në fakt i dobët do isha unë! Prindërit e vajzës na dhanë një mësim të gjithëve si shoqëri. Dhuna prej vitesh po pjell dhunë. Ndoshta ka ardhur koha që t’i themi ‘stop’ për t’u bërë më të mirë, jo duke u përgjigjur me dhunë…” shkuan Turi.
NewsBomb
