E ftuar në “Natën me Aulonën”, Arjola Demiri tregoi më shumë për karrierën profesionale, por edhe për këtë periudhë që ajo e quan “pauzë” nga spektakli dhe televizioni.
Siç rrëfeu Arjola, kishte nevojë për një pushim të gjatë, ndaj edhe ndjeu nevojën për t’u shkëputur.
“Më mori rrjedha dhe thashë do vazhdoj edhe këtë sezon dhe vazhdova gati për dy sezone. Në maj thashë do marr një pauzë dhe do mendoj se çfarë dua të bëj, sepse u bën 4 vite në Portokalli, është një eksperiencë shumë e fuqishme për një aktor, është një shkollë dhe një master më vete dhe duke qenë se u kualifikove për 4 vjet, thashë dua të merrem me diçka tjetër që ndoshta mund të më rritë mua artistikisht. Kam disa projekte, por i pari që do të vijë është ai i monodramës..”
