Në një rrëfim të rrallë dhe të sinqertë brenda shtëpisë së “Big Brother VIP Kosova”, këngëtarja Linda Halimi ka zbuluar disa nga sfidat më të vështira që ka përballuar në jetën e saj personale.
Gjatë një bisede me banorët e tjerë, Linda tregoi për periudhën e vështirë që kaloi pasi u martua me reperin afro-amerikan Big D, duke u bërë kështu njëra ndër gratë shqiptare të para që hapi këtë rrugë.
Linda u shpreh se feja islame lejon martesën me një të huaj dhe me ngjyrë, por realiteti në Kosovë, ku mentaliteti ende mbetet i rëndë, u tregua ndryshe.
Ajo zbuloi se ka përjetuar kërcënime dhe ofendime të shumta për shkak të zgjedhjes së saj për partner jetësor. Situata arriti në një pikë kulmore kur një herë, pas një koncerti të mbajtur me bashkëshortin e saj Big D, persona të panjohur i thyen xhamat e makinës së çiftit.
Këto ngjarje kanë lënë gjurmë në jetën e Lindës, por mesa duket, nuk e kanë mposhtur.
Përkundrazi, rrëfimi i saj ishte një dëshmi e guximit dhe e qëndrueshmërisë për të jetuar jetën sipas zgjedhjeve të saj personale, pavarësisht presioneve dhe pritshmërive të shoqërisë.
Banorët dhe ndjekësit e “Big Brother VIP Kosova” kanë shprehur mbështetje dhe solidaritet ndaj Lindës, duke vlerësuar kurajon e saj për të folur hapur për këto çështje delikate. Linda Halimi, edhe përmes kësaj platforme, po tregon se jetën mund ta jetojmë me integritet dhe të qëndrojmë të palëkundur ndaj vështirësive dhe paragjykimeve.
