Taylor Swift ka ftuar familjen e Ana Clara Benevides, 23-vjeçares që ndërroi jetë gjatë koncertit të këngëtares në Rio de Zhaneiro, që t’i bashkohen performancës së saj në Sao Paolo.
23-vjeçarja nuk u ndje mirë gjatë performancës dhe ra pa ndjenja, ndërsa ndërroi jetën në spital më 17 nëntor. Ajo pësoi arrest kardiak mes një vale masive të të nxehtit në Brazil.
Swift anuloi disa performanca në Rio pas vdekjes së fanses. Këngëtarja është rikthyer në Brazil të dielën, duke performuar në Sao Paolo, me Swift që mori edhe familjen dhe miqtë e 23-vjeçares, duke pozuar me ta edhe për foto.
Familjarët dhe miqtë e 23-vjeçares janë shfaqur në koncertin e Taylor të gjithë të veshur me bluza të bardha me fytyrën e Machado-s.
