Ana Kabashi ka qenë e ftuar së fundmi në ‘Big Talk’ për të diskutuar rreth ngjarjeve që kanë ndodhur në Big Brother VIP Kosova 2.
Këngëtarja e njohur dhe ish-banorja e këtij formati është pyetur gjegjësisht për spektaklin e së premtes, për rastin e Ylli Dervishit.
Ajo ka komentuar partneren e Bucit dhe hyrjen e saj në shtëpi, pas një videoje paksa të tepruar të konkurrentit me Santiana Malokun.
“Nuk dëshiroj të futem në këtë muhabet, më duket vetja si një person i tretë që futet mes një çifti. Po të isha sikur Verona do të ia fusja një shuplakë edhe e kisha lënë sigurt”, u shpreh Ana.
Artistja shqiptare tutje theksoi: “Prapë po rikthehem në këtë pjesën që ndoshta njerëzit kanë marrëveshje në mes vete dhe tolerojnë gjithçka edhe ka thënë t’ia sjell çmimin në fund, ndoshta kjo ka pasur rëndësi për këtë. Ky është tipik shembull i keq që duhet me dalë në televizion që mashkulli është i lejuar të bëjë çfarë të dojë që në fund ta sjell një çmim në shtëpi, a del me femra të tjera, rri te shtëpia gruaja ime, unë t’i sjell paret në shtëpi”.
Bukuroshja nga Peja tha mes tjerash se është një shembull i keq dhe se për të nuk ka asnjë kuptim.
“Është shembulli më i keq që mund të dalë ndonjëherë në televizion. Këtu tek ne po më duket po tolerohet gjithçka, nuk duhet të harrojnë që ka njerëz që preken nga këto, ka familjarë, nënë, baba, shtëpi. Për mua nuk ka asnjë lloj kuptimi”, përfundoi Kabashi
