Chiara Ferragni dhe Balocco janë gjobitur për mashtrimin e klientëve mbi donacione bamirëse të lidhura me shitjen e një ëmbëlsire Krishtlindjesh. Kompanitë e drejtuara nga influencuesja italiane e modës duhet të paguajnë një gjobë prej 1.075 milionë euro, ndërkohë prodhuesi i ëmbëlsirave Balocco me 420 000 euro.
Dënimet rrjedhin nga një hetim që rregullatori njoftoi në qershor, lidhur me një pandoro Balocco të markës Ferragni, një ëmbëlsirë e ngjashme me panettone, e shitur në Itali në fund të vitit të kaluar, me mbi 9 euro secila.
Sipas autoriteteve, ata mashtruan konsumatorët duke i bërë të mendojnë se duke blerë tortën, ata po kontribuonin drejtpërdrejt në një bamirësi për kërkimin e kancerit të kockave në një spital në Torino.
Balocco kishte bërë një pagesë 50 000 euro në spital disa muaj përpara se të hidhte në treg pandoro “Ferragni”, kështu që shitjet e produktit nuk kishin asnjë efekt në donacionet e bamirësisë, tha rregullatori.
Ai shtoi se kompanitë e lidhura me Chiaran që ajo sanksionoi nuk i dhanë para spitalit të Torinos, pavarësisht se morën më shumë se 1 milion euro për iniciativën e markës dhe për aktivitetet e ndërlidhura promovuese.
bal
