Është arrestuar 41-vjeçari shqiptar, i cili qëlloi disa herë me thikë duke i shkatuar vdekjen një 26-vjeçare italiane, e cila ishte shtatzënë.
Në pranga ka rënë Bujar Fandaj, 41-vjeçar nga Kosova. Vrasja makabre ka ndodhur mbrëmjen e djeshme në banesën e viktimës, teksa raportohet se e reja më parë e kishte denoncuar autorin për përndjekje.
Sipas mediave lokale Vanessa dhe Bujari kanë patur lidhje dashurie që kishte përfunduar në vitin 2022. Por ai nuk e pranonte ndarjen. Bujar Fandaj vazhdonte ta përndiqte dhe në muajin tetor e kishte kërcënuar e shtantazhuar se do të publikonte në internet foto intime të tyre nga koha kur ishin në lidhje. Për këtë arsye, 27-vjeçarja e kishte denoncuar në polici.
Shqiptari dyshohet se e ka dhunuar dhe e ka goditur gjashtë herë me thikë 26-vjeçaren fatkeqe, e cila si pasojë e plagëve humbi jetën. Pas ngjarjes shqiptari u arratis.
26-vjeçarja Vanessa Ballan u gjet e vrarë në derën e shtëpisë së saj në fshatin Spineda di Riese Pio X, të Trevisos. Ajo ishte shtatzënë dhe priste fëmijën e dytë.
Autoritetet po punojnë për zbardhjen e plotë të rrethanave të ngjarjes.
Autori Bujar Fandaj
Viktima 26-vjeçare
A ju ndihmoi ky artikull?PoJo
