Lufta e Izraelit me militantët e Hamasit në Gaza do të vazhdojë edhe për “shumë muaj të tjerë”, tha shefi i ushtrisë izraelite.
“Nuk ka rrugë të shkurtra kur bëhet fjalë për çmontimin e plotë të një organizate terroriste, përveç të qenit kokëfortë dhe të vendosur në luftime,” shtoi ai.
IDF thotë se sulmet ajrore të së martës goditën 100 objektiva nga Jabaliya në veri të Gazës deri në Khan Yunis dhe Rafah në jug.
Të hënën, kryeministri Benjamin Netanyahu paralajmëroi se fushata nuk ishte afër përfundimit. Ministria e shëndetësisë e Gazës, e drejtuar nga Hamasi, thotë se 20,915 palestinezë janë vrarë në më shumë se 11 javë luftime.
Lufta filloi më 7 tetor pasi Hamasi udhëhoqi një valë sulmesh vdekjeprurëse ndaj komuniteteve brenda Izraelit. Rreth 1.9 milionë janë zhvendosur brenda vendit nga bombardimet izraelite që atëherë, thotë OKB.
Javën e kaluar Sekretari amerikan i Shtetit, Anthony Blinken i bëri thirrje Izraelit që të ulë intensitetin e sulmeve të tij për të kufizuar dëmtimin e shkaktuar ndaj civilëve.
Të martën, Herzi Halevi, shefi i shtabit të Forcave të Mbrojtjes të Izraelit (IDF), tha në një konferencë shtypi se lufta do të “vazhdojë edhe për shumë muaj të tjerë” për të siguruar që “arritjet tona të ruhen për një kohë të gjatë”.
A ju ndihmoi ky artikull?PoJo
