Kritikat nga kolegët gjatë dhe pas Festivalit të Këngës për këngëtaren Elsa Lila ishin të shumta.
Pak ditë pas përfundimit të Festivalit të Këngës në edicionin e 62, artistja Elsa Lila, që konkurroi me “Mars” të firmosur nga vetë ajo në muzikë e poezi, ka reaguan në rrjetet sociale ku dhe ka dhënë një mesazh për ata që e mbështetën.
“Faleminderit të gjithëve për dashurinë, mbështetjen dhe dëshirën për të dëgjuar muzikë të mirë! Kaluam së bashku një tjetër aventurë muzikore plot e përplot me emocione dhe të papritura! Por të papriturat, kur ke miq e dashamirës pranë, e bëjnë më të bukur udhëtimin, cilido qoftë ai! Duke ju uruar një vit plot dritë, ju përqafoj një e nga një e ju falenderoj çdo sekondë!” – është shprehur këngëtarja.
Kujtojmë se Lila ishte një prej emrave më të përfolur si fituese e mundshme të Festivalit të RTSH-së, ndërsa teksti i këngës “Mars” flet për mos humbjen e shpresës në një periudhë të errët, që përkon me marsin e arrestimit të saj gjatë 2022-shit.
A ju ndihmoi ky artikull?PoJo
NewsBomb
