Kanë kaluar rreth 10 vite që kur Noizy këndonte “Noku vogël”, kënga më e ndjerë e repertorit të tij, që i dedikohet të bijës, Leandrës.
Një këngë ikonike, që edhe vetë Noizy e veçon në repertorin e tij. Por, këto ditë kur i dedikonte këngë, e publikonte në mediat sociale, e fliste në intervista për të duken të largëta.
Prej vitesh, artisti ka zgjedhur ta mbajë Leandrën totalisht larg vëmendjes mediatike. Noizy nuk e ekspozon më në rrjete sociale, e në intervista nuk flet për të duke e ruajtur me fanatizëm.
Gjithsesi, së fundmi ka bërë përjashtim duke i kërkuar një falje publike. I ftuar në ‘1 Kafe me Labin’, ai u pyet se “Kujt do i thojë “Më fal” në këto momente? Dikujt që nuk ke mundur t’i qëndrosh afër dhe publikisht këtë funditvit e përmbyll duke i thënë më fal.”
Ai i kërkoi falje familjes së tij për të cilën u shpreh se nuk kalon shumë kohë për shkak të angazhimeve, njerëzve që ka lënduar padashje, por mbi të gjitha vajzës së tij.
“Personi kryesor mund të jetë vetëm Noku vogël, Leandra, të cilës i kërkoj falje për shumë gjëra. Por ato mbeten mes meje dhe saj”.-tha Noizy.
