Drejtoresha e INSTAT, Elsa Dhuli, e ftuar mbrëmjen e sotme në emisionin “Review” ka përgënjeshtruar lajmet se kemi një ulje të popullsisë.
Ajo ka thënë se rezultatet e Censit nuk janë ende gati, pasi fillimisht duhet të kalohen të gjitha fazat e domosdoshme të procesit, dhe më pas të bëhen publike.
Dhuli theksoi se është një data-bazë e madhee cila kërkon profesionalizëm dhe saktësi. Prandaj, është më mirë që të presim rezultatet e sakta, sesa t’i rikthehen më vonë rishikimit.
“Ne për të qenë korrekt me përdoruesit dhe me publikun gjykuam se është më e drejtë të nxjerrim një shifër cilësorë, të cilës të mos i kthehemi më pas për të diskutuar, apo për të analizuar në detaje këto faza, si banesat boshe, kontaktet, refuzimet.
Ndaj ky ishte gjykimi jonë në konsultim edhe me asistencës teknike, kjo në fakt në krahasim jo vetëm me Censin e kaluar të vitit 2011, por edhe në krahasim me Cense të tjera te realizuara në Evropë, është një periudhë e shkurtër koha në të cilën do të bëjmë publike zyrtarisht rezultatet e Censit.
Sepse është një data-bazë e madhe kërkon procese, profesionalizëm, saktësi dhe është shumë e rëndësishme që çdo fazë të ndiqet me shumë rigorozitet. Ndaj është më mirë të kemi një statistikë mbi rezultatet e Censit, e cila do të jetë e besueshme, cilësore dhe të mos i rikthehemi rishikimit”, tha ajo.
A ju ndihmoi ky artikull?PoJo
