Të tjera detaje kanë dalë nga megaoperacioni “Tempulli”, i cili u zhvillua përgjatë 24 orëve të fundit, ku dhe u dogitën 7 grupe kriminale. Policia e Fierit bën me dije se në kuadër të këtij operacioni në qeli ndodhen 20 persona, ndërkohë 8 të tjerë janë lënë në gjendje të lirë, ndërsa dy shtetas të tjerë janë shpallur në kërkim.
Sakaq, gjatë këtij operacioni janë gjetur dhe sekuestuar 820 gram cannabis sattiva, 15 ml vaj canabisi, 116 gramë kokain, 2 gramë Heroinë, 2 thika, 25 fishek model 54, 17 mjete si dhe 34 telefona.
Ky megaoperacion u shtri përgjatë 24 orëve të fundit në të gjithë vendin dhe u bë i mundur arrestimi i 273 personave, të cilët vepronin në shpërndarjen e drogës në doza të vogla pranë shkollave si dhe në në të gjitha zonat e banimit.
Më herët, drejtori i Përgjithshëm i Policisë, Muhamet Rrumbullaku në një deklaratë për mediat bëri me dije se në kuadër të këtij operacioni janë dhënë 295 urdhërndalime.
“Policia e Shtetit prej dy muajsh ka qenë e përfshirë në një megaoperacion në shkallë kombëtare për goditjen e fenomenit të shpërndarjes së lëndëve narkotike. Operacioni “Tempulli 2” ka filluar në ditët e para të muajit dhjetor.
Në operacionin e shtrirë në të gjithë vendin janë përfshirë të gjithë Drejtoritë Vendore të Policisë. Ka qenë një operacion i suksesshëm i cili vazhdon të jetë akoma në vijim. Janë nisur 66 hetime për goditjen e grupeve kriminale, janë marrë 295 urdhëra ndalimi dhe vendime arresti, si dhe 306 vendime kontrolli, ndërsa 26 persona janë shpallur në kërkim. Policia ka arritur të kapë në flagrancë 273 shtetas dhe janë sekuestruar provat materiale. Faza e dytë e operacionit nuk lidhet vetëm në shkollat, por me të gjitha zonat e banimit”, tha Rrumbullaku.
Njoftimi i plotë i Policisë:
Drejtoria Vendore e Policisë Fier, në vijim të fazës së dytë të megaoperacionit “Tempulli” ka arrestuar 50 shtetas nga të cilët, për datën e sotme 22.01.2024:
– Persona të arrestuar 20
– Gjendje të lirë 8
– Kërkim 2
Sekuestruar në cilësinë e provës materiale:
– 820 gram cannabis sattiva
– 15 ml vaj canabisi
– 116 gramë kokain
– 2 gramë Heroinë
– 2 thika
– 25 fishek model 54
– mjete 17
– telefona 34
Megaoperacioni vijon
A ju ndihmoi ky artikull?PoJo
