Policia italiana ka goditur një grup kriminal që merrej me trafikim të lëndëve narkotike. Në pranga ranë 8 persona, mes tyre 5 shqiptarë.
Mediat italiane raportojnë se policia gjeti një fermë anonime në fshatin Alba (Cuneo), në Langhe, ku u gjetën 510 bimë kanabis dhe 18 kilogramë marijuanë të paketuara dhe gati për t’u shitur.
Operacioni u zhvillua mëngjesin e sotëm dhe çoi në ekzekutimin e 14 masave paraprake: 8 urdhra paraburgimi në burg (katër të ekzekutuar tashmë), dhe tre arreste shtëpie, një detyrim qëndrimi, një ndalim qëndrimi në provincën e Cuneos dhe një detyrim për të nënshkruar. Në hetim janë edhe 9 persona të tjerë.
Nga kontrolli në shtëpinë e njërit prej tyre, i cili përfundoi me arrestimin flagrant, u gjetën edhe 200 gramë kokainë dhe 500 marijuanë.
A ju ndihmoi ky artikull?PoJo
