Qeveria ka shkarkuar nga detyra, inspektorin e përgjithshëm të Shërbimit Informativ të Shtetit, Suela Bedenin. Vendimi është marrë këtë të mërkurë, 24 janar në mbledhjen e Këshillit të Ministrave.
Në mbledhjen e qeverisë drejtuar nga zëvendëskryeministrja Belinda Balluku, është emëruar Blend Çobani si inspektor i Përgjithshëm i Shërbimit Informativ të Shtetit dhe se vendimi hyn në fuqi menjëherë
Vendimi
LIRIMIN DHE EMËRIMIN NË DETYRË TË INSPEKTORIT TË PËRGJITHSHËM TË SHËRBIMIT INFORMATIV TË SHTETIT
Në mbështetje të nenit 100 të Kushtetutës dhe të nenit 12, të ligjit nr.8391, datë 28.10.1998, “Për Shërbimin Informativ të Shtetit”, të ndryshuar, me propozimin e Kryeministrit, Këshilli i Ministrave
V E N D O S I:
Znj. Suela Bedeni, inspektor i Përgjithshëm i Shërbimit Informativ të Shtetit, lirohet nga kjo detyrë.
Z. Blend Çobani emërohet inspektor i Përgjithshëm i Shërbimit Informativ të Shtetit.
Ky vendim hyn në fuqi menjëherë.
A ju ndihmoi ky artikull?PoJo
