Flakët e zjarrit përfshinë mbrëmjen e sotme një sipërfaqe me shkurre në fshatin Hambar të Fierit. Flakët u përhapën me shpejtësi duke rrezikuar kështu shumë banesa të cilat ndodheshin pranë vatrës së zjarrit.
Fatmirësisht zjarfikësit kanë bërë të mundur neutralizimin e flakëve.
Shefi i zjarrfikësve të Fierit, Zija Hyka tha se zjarri rrezikonte një lagje të tërë, por falë ndërhyrjes së zjarrfikësve tashmë është izoluar dhe nuk përbën asnjë rrezik.
“Zjarri fillimisht ishte në pjesën e lumit ku po digjeshin shkurre. Rrezikohej një lagje e tërë “Goxhaj”, nuk mund të dimë saktësisht sesa banesa rrezikoheshin sepse është errësirë por zjarri për momentin është izoluar komplet. Është larg banesave, nuk solli asnjë dëm vetëm u dogjën shkurre dhe kallamishte”, u shpreh Hyka.
A ju ndihmoi ky artikull?PoJo
