Meritoni është surprizuar nga vëllai i tij Rinori mbrëmjen e sotme në Big Brother VIP.
Përpara se të transmetohej klipi, ai shpërtheu në lot në dhomën e rrëfimit.
“Ne jemi pesë fëmijë, katër vëllezër dhe një princeshë, motra. Rinori është vëllai im, jemi rritur bashkë. Unë kam qenë më problematik ai më i qetë. Ne jetojmë bashkë, kalojmë shumë kohë bashkë. Edhe kur kam dështuar në punë dhe kur kam djalin larg, Rinori ka qenë aty. Ndoshta e ka lënë veten pas dore duke u marrë me mua”, u shpreh ai gjatë rrëfimit.
Më pas Meritoni u zhvendos në living, ku dhe erdhi i vëllai. Të dy shpërthyen në lot dhe u përqafuan.
Rinori i uroi suksese vëllait të tij në rrugëtimin në Big Brother VIP3, ndërkohë që nuk dëshiroi të takonte asnjë person tjetër, përfshirë këtu edhe Ilnisën.
Kjo gjë u komentua edhe nga opinionistët të cilët e konsiderojnë veprimin e vëllait si një mesazh për Meritonin.
Arbër Hajdari deklaroi se u la e nënkuptuar se familja nuk është dakord për marrëdhënien që meritoni ka nisur me Ilnisën.
