Mbreti Karl ka dhënë “falënderimet e tij të përzemërta” për mesazhet e mbështetjes nga publiku, në deklaratën e tij të parë që kur u diagnostikua me kancer.
“Siç do ta dinë të gjithë ata që janë prekur nga kanceri, mendime të tilla dashamirëse janë ngushëllimi dhe inkurajimi më i madh”, tha monarku 75 vjeç.
Lajmi për diagnozën u bë i ditur nga Buckingham Palace të hënën.
Mbreti po trajtohet për një formë të paspecifikuar kanceri dhe aktualisht po qëndron në Sandringham. Ai e zbuloi teksa po trajtohej për një prostatë të zmadhuar në janar. Ndërsa lloji i kancerit nuk është bërë i ditur, Pallati konfirmoi se nuk ishte kancer i prostatës.
“Është po aq inkurajuese të dëgjosh se si ndarja e diagnozës sime ka ndihmuar në mirëkuptimin e publikut dhe të gjitha organizatave që mbështesin pacientët me kancer dhe familjet e tyre në të gjithë Mbretërinë e Bashkuar dhe më gjerë”, shtoi ai.
Mbreti është tërhequr nga të gjitha detyrat e publikut ndërsa po trajtohet për kancerin, me anëtarët e familjes mbretërore përfshirë Mbretëreshën Camilla dhe Princin e Uellsit që kanë marrë detyrat kryesore.
Ai u largua nga Clarence House, Londër, për në rezidencën e tij në Norfolk të mërkurën, i shoqëruar nga Mbretëresha.
/abcnews.al
