Detaje të reja kanë dalë në dritë për ngjarjen e rëndë të ndodhur disa ditë më parë në Kamëz, ku e reja Sibela Abedini i dha fund jetës.
Një lidhje telefonike në emisionin “Shqipëria Live” në Top Channel, tezja e të ndjerës tha se ishte mamaja që e njohu Sibelën me Altin Çokun, pasi ky i fundit kërkonte pastruese.
“Motra ime, mamaja e Sibelës, e ka njohur këtu në lagje, i ka thënë Altini që njeh njeri për pastruese se më duhet një person për të pastruar shtëpinë, sepse e kam nusen shumë sëmurë, dy ditë, ajo nuk shkoi sepse i tha kur të kem nevojë do të të telefonoj unë. Këtë foto e kam parë në rrjete sociale, nuk është Sibela ajo foto, Sibela ime është 50 kile njeri. Ajo foto që ka hedhur është me flokë të zeza dhe e shëndoshë, mbesa është me flokë të kuqe dhe e dobët. Nuk janë të vërteta, ato që ka thënë Altini, ka qenë shumë e qetë, e rregullt. Telefonin e ka policia të Sibelës, një telefon, nuk ka kamera sigurie”, tha tezja e të ndjerës.
