Maria De Filippi nuk ka folur kurrë publikisht që nga dita e vdekjes së Maurizio Costanzo, në shkurt 2023, në moshën 84-vjeçare. Një gjë të tillë ajo e ka bërë së fundmi për herë të parë, me rastin e speciales dedikuar Maurizio Costanzo, ku miq dhe kolegë u mblodhën në teatrin Parioli.
“Këtë vit shumë më kanë kërkuar të flas për të, shumë gazetarë kanë kërkuar intervista, si në shtyp ashtu edhe në televizion. Nuk doja ta bëja kurrë, jo për mungesë respekti për gazetarët, por sepse kam patur gjithmonë frikë dhe e kam ende pak tani, që fjalët e banalizojnë dashurinë dhe dhimbjen. Fjalët e mia, jo të të gjithëve, sepse e di që nuk jam shumë e zonja t’i tregoj gjërat e mia, i kam mësuar të tjerëve, por jo me të miat ende”, tha prezantuesja në hapje të programit.
“Kam ftuar ata që janë miqtë e tij dhe ata që besojnë se kanë pasur jo vetëm një marrëdhënie personale, por profesionale, duke kontribuar në suksesin e ‘Maurizio Costanzo Shoë’. Unë e di dhe shpresoj dhe jam e sigurt se ai është i lumtur. Unë flas për të në kohën e tashme, nëna ime ishte mësuese italishteje, nuk është se nuk i di kohët dhe konjugimet sepse mendoj se ai është i pranishëm dhe prandaj përdor kohën e tashme”, theksoi ajo.
Mbrëmja u drejtua nga Fabio Fazio, i cili së bashku me të ftuarit e shumtë të pranishëm mbështetën Maria De Filippi në momentet më delikate, kur emocionet e penguan të fliste. Mes të tjerëve ishin Fiorello, Enrico Mentana, Rita Dalla Chiesa, Dario Vergassola, Paolo Bonolis dhe Christian De Sica, secili me një kujtim, një anekdotë, një moment jete të ndarë me gazetarin, mes të qeshurës dhe nostalgjisë.
bal
