Dy efekte anësore të reja, por jashtëzakonisht të rralla të vaksinës kundër coronavirusit – një çrregullim neurologjik dhe inflamacion i palcës kurrizore – janë zbuluar nga ekspertët e studimit më të madh të sigurisë së vaksinave.
Studimi i më shumë se 99 milionë njerëzve nga Australia, Argjentina, Kanada, Danimarka, Finlanda, Franca, Zelanda e Re dhe Skocia konfirmoi gjithashtu se sa të rralla janë ndërlikimet e njohura të vaksinave, ku studiuesit konfirmojnë se përfitimet e vaksinave kundër COVI-19 prapë se prapë “ua kalojnë rreziqeve”, transmeton Telegrafi.
Lajçak në Romë, ndër temat kyçe edhe dialogu Kosovë-SerbiShala: Plani B i Serbisë, tentimi i nxitjes së konflikt të armatosur në Luginë të Presh…Fjalët e Arbër Hoxhës pas kalimit tutje ndaj Real BetisWill Smith thotë se ka nisur përgatitjet për “Bad Boys 4”Janë kthyer në rivalë të njëri-tjetrit, Juli dhe Romeo kalojnë në ofendime gjatë debati…
Studiuesit që punojnë si pjesë e Rrjetit Global të të Dhënave të Vaksinave përdorën të dhëna të deidentifikuara të kujdesit shëndetësor elektronik për të krahasuar normat e 13 sëmundjeve të trurit, gjakut dhe zemrës tek njerëzit pasi ata morën vaksinën Pfizer, Moderna ose AstraZeneca, shkruan theguardian.
Studimi konfirmoi me nivel të lartë saktësie lidhjet mes vaksinave mRNA (Pfizer dhe Moderna) dhe efekteve të rralla anësore të miokarditisit dhe perikarditit (të dyja sëmundje të zemrës). Konfirmoi gjithashtu sindromën Guillain-Barre (ku sistemi imunitar sulmon nervat) dhe trombozën e sinusit venoz cerebral (një lloj mpiksje gjaku në tru) si efekte të rralla anësore të lidhura me vaksinën AstraZeneca.
Por, një efekt i ri i rrallë anësor, encefalomieliti akut i shpërndarë – inflamacion dhe ënjtje në tru dhe palcën kurrizore – u identifikua gjithashtu në analizën e të dhënave me vaksinën AstraZeneca.
Prof Jim Buttery, bashkëdrejtor i Rrjetit Global të të Dhënave të Vaksinave, tha se gjetja i shtyu studiuesit të konfirmonin në mënyrë të pavarur efektin anësor duke përfunduar një studim të dytë, këtë herë duke analizuar një grup të dhënash të veçantë prej 6.8 milionë australianësh që morën vaksinën AstraZeneca.
Jo vetëm që studimi australian konfirmoi encefalomielitin akut të shpërndarë si një efekt anësor të rrallë, por sasia e madhe e të dhënave specifike të AstraZeneca gjithashtu i lejoi ata të zbulonin një efekt të dytë të ri të rrallë anësor, të njohur si mieliti tërthor ose inflamacion i palcës kurrizore.
Studimi australian zbuloi se të dhënat përkthehen në një rrezik jashtëzakonisht të vogël të encefalomielitit akut të shpërndarë prej 0.78 raste për çdo milion doza dhe 1.82 raste për milion doza për mielitin transversal. /Telegrafi/
