Asghari e quan një “bekim” kohën e tij me yllin e popit, “Ishte një bekim të isha në gjendje të ndaja jetën me dikë për një kohë të gjatë. Dhe njerëzit ndahen dhe njerëzit vazhdojnë”, thotë aktori, modeli dhe trajneri i fitnesit për People.
Asghari dhe Spears u martuan në shtëpinë e tyre në Thousand Oaks më 9 qershor 2022, por pak më shumë se një vit më vonë, Asghari paraqiti kërkesën për divorc, duke përmendur “dallimet e papajtueshme”.
Lajmi për ndarjen e çiftit erdhi mes raporteve të shumta për probleme në martesën e tyre, duke përfshirë një zënkë dhe akuza për pabesi. Përpara se të dilte lajmi për divorcin, ata të dy u panë duke mos mbajtur unazat e tyre të martesës.
Megjithë dinamikën e diskutueshme të raportuar mes të dyve në kohën kur Asghari paraqiti kërkesën për divorc, ai tha për “People” se “kurrë” nuk do të flasë keq për Spears.
“Gjithmonë i kam urryer njerëzit që largohen nga një marrëdhënie e caktuar- pasi i thanë njëri-tjetrit se e duan dhe u ulën në të njëjtën tryezë – dhe kur ndahen flasin keq për njëri-tjetrin. Kjo është diçka që nuk do ta bëj kurrë sepse nuk pata asgjë tjetër veçse një përvojë dhe një jetë të mrekullueshme”, u shprëh ai.
Duke folur më në përgjithësi teksa shikon prapa përpara ditëlindjes së tij të 30-të, Asghari shton, “Unë kam gjithmonë mendimin më pozitiv për jetën. Përvojat e mia në jetë më kanë formuar në njeriun që jam sot. Unë do të vazhdoj të rritem. Unë vij nga një vend ku ne festojmë të kaluarën tonë”, thotë ai. “Unë shikoj prapa me mall. E kaluara ime është bekim dhe e bukur”.
bal
