Skandali në familjen mbretërore shqiptare ka bërë bujë edhe në mediat botërore. Tabloidi britanik Daily Mail dhe media prestigjoze New York Post i kanë kushtuar artikuj sherrit fizik mes Princ Lekës dhe Elia Zaharisë.
“Princi i kurorës së Shqipërisë Leka pretendon se Princesha Elia dhe babai i saj, 73 vjeç, e sulmuan atë me ‘objekte të forta’, ndërsa video duke u përleshur u publikua në mediat sociale mes divorcit të çiftit”, shkruan Daily Mail.
MailOnline ka kontaktuar oborrin mbretëror shqiptar për koment.
New York Post shkruan:
Princi i kurorës Leka II i Shqipërisë ka pohuar se ai u sulmua ashpër nga ish gruaja e tij, Princesha Elia dhe babai i saj vetëm disa javë pasi njoftuan divorcin. Princi, i cili njoftoi se po ndahej nga gruaja e tij pas shtatë vitesh martesë në janar, po kërkon përfshirjen e policisë pas sulmit të dyshuar në familje.
Sipas pamjeve që qarkulluan në rrjetet sociale këtë javë, Leka, 41 vjeç, dyshohet se u përfshi në një përplasje fizike me Elia, 41 vjeç dhe babai i saj, Gjergj Polikron Zaharia, 73 vjeç. Sherri ndodhi vetëm dy muaj pasi çifti, që kanë vajzën 3-vjeçare, Princeshën Geraldine, njoftuan fundin e martesës së tyre.
