Taylor Swift zbuloi versionin e finalizuar të albumit të saj të shumëpritur, “The Tortured Poets Department”, gjatë një koncerti të fundit në Singapor. Duke iu drejtuar audiencës gjatë performancës së saj në The Eras Tour, Swift ndau emocionet e saj për albumin, i cili përmban këngën prekëse “The Black Dog”.
“Ky është versioni i fundit. Albumi përmban këngën ‘The Black Dog’. Mezi po pres ditën kur ta dëgjoni”, u tha Swift fansave të saj. I planifikuar për publikim më 19 prill, “The Tortured Poets Department” shënon albumin e 11-të të Swift. Krahas “The Black Dog” do të përfshijë tri këngë: “The Manuscript”, “The Bolter” dhe “The Albatross”.
Këngët tregojnë përvojat personale të Swift-it, veçanërisht në udhëtimin e saj emocional pas ndarjes së saj me Joe Alvin në prill 2023. Që nga publikimi i këngës “The Black Dog” dhe shpallja e albumit, interesi global është rritur.
Gjatë performancës së saj në Singapor, Taylor Swift shprehu kënaqësinë e saj dhe zbuloi se qyteti ka një rëndësi të veçantë për të për shkak të nënës së saj, Andrea Swift. “Nëna ime në fakt kaloi shumë nga fëmijëria e saj me nënën, babin dhe motrën e saj duke u rritur në Singapor.
Kështu që shumë herë kur ne vinim këtu, mamaja ime më merrte dhe më kalonte me makinë pranë shtëpisë së saj të vjetër, ku ajo shkonte në shkollë. Kështu që unë kam dëgjuar për Singaporin gjatë gjithë jetës sime”, u shpreh ajo.
bal
