Earl Spencer, vëllai i vogël i Dianës, Princeshës së Uellsit, ka treguar se ai ishte abuzuar seksualisht kur ishte fëmijë në një shkollë.
Ai tha se ishte shënjestër nga një anëtare femër e stafit në Maidwell Hall, Northamptonshire në vitet 1970.
59-vjeçari pretendon se abuzimi pati filluar kur ai ishte vetëm 11 vjeç, shkruan BBC.
Shkolla tha se akuzat për abuzim seksual i ishin referuar një “oficeri të caktuar nga autoriteti lokal”.
Earl Spencer ndoqi Maidwell Hall midis moshave tetë dhe 13 vjeç.
Në librin e tij të ri ‘A Very Private School’, ai pretendon se një anëtare e stafit, të cilën ai e përshkroi si “pedofile të pangopur”, e abuzonte atë dhe djem të tjerë të rinj në shtretërit e tyre të konviktit gjatë natës.
Earl Spencer tha se ajo tani ose jeton jashtë vendit ose ka vdekur.
Ai gjithashtu pretendoi se drejtori i atëhershëm i shkollës, John Porch, kishte shkaktuar “rrahje brutale’ dhe ai besonte se mësuesi kishte “kënaqësi seksuale nga dhuna”. Porch vdiq në janar të vitit 2022.
Pas kohës së tij në Maidwell, Earl Spencer ndoqi Kolegjin Eton.
