Kryetari i Partisë Demokratike, Lulzim Basha është shprehur për herë të parë mbrëmjen e sotme se nuk është thirrur asnjëherë nga Prokuroria e Posaçme, për t’u pyetur për protestën e përgjakshme të 21 Janarit kur në bulevard u vranë 4 militantë.
Në atë kohë Basha ishte ministër i Brendshëm dhe tashmë është kallëzuar në SPAK nga familja e të ndjerit Aleks Nika, bashkë me kryeministrin e kohës, Sali Berisha. Megjithatë, Basha tha se nuk është thirrur asnjëherë.
Ndërkohë, i pyetur nga drejtuesja e emisionit “Top Story”, Grida Duma, a është i gatshëm të lërë drejtimin e Partisë Demokratike nëse ndodh e kundërta, Lulzim Basha pohoi se është ai që vetë ka kërkuar nga Kuvendi heqjen e imunitetit për politikanët.
Praktikisht, la të hapur mundësinë se po nisën hetimet ndaj tij atëherë do të marrë vendimin që i takon.
Grida Duma: Jeni thirrur nga SPAK?
Lulzim Basha: Jo
Grida Duma: Pritet?
Lulzim Basha: Nuk e di
Grida Duma: Asnjëherë për këtë çështje?
Lulzim Basha: Asnjëherë
Ervis Iliazaj: Nëse merreni në hetim, a hiqni dorë nga partia?
Lulzim Basha: Kam çuar në Kuvend kërkesën që mos ketë imunitet për parlamentarët. Nëse vjen në Kuvend unë do jem i pari që do firmos.
A ju ndihmoi ky artikull?PoJo
