Një aksident është regjistruar pasditen e kësaj të shtune në bypass-in e Murrizit në Rrugën e Arbrit. Burime për mediat bëjnë me dije se një fugon pasagjerësh është përplasur kokë më kokë me një automjet tjetër. Deri më tani lidhur me këtë ngjarje nuk dihet nëse ka të plagosur apo jo.
Në vendin e ngjarjes kanë shkuar forcat e policisë e qarkullimit rrugor për të normalizuar qarkullimin e automjeteve të cilat vijojnë prej një orësh të jenë të bllokuara si pasojë e aksidentit. Mësohet se si pasojë e aksidentit radha e makinave në Rrugën e Arbrit ka shkuar rreth 3 kilometra në të dy kahet.
Lidhur me këtë ngjarje deri më tani nuk ka njoftim zyrtar nga autoritetet, priten më tepër detaje në vijim.
A ju ndihmoi ky artikull?PoJo
