Ish-banori i Big Brother VIP, Gazmend Ujkashi i ftuar në emisionin “S’e luan Topi” me moderatoren Erjona Rusi në Top Channel, rrëfeu momentet e vështira të jetës së tij.
Momentin më të vështirë për të, Gazmendi cilësoi ndarjen nga jeta të së ëmës. Me lot në sy, ish-banori i Big Brother VIP ka rrëfyer gjithçka nga përplasjet me të atin për shkak të konflikteve me të ëmën dhe deri kur kjo e fundit ndërroi jetë.
“Unë përplasesha shumë me babain vetëm për faktin e mamasë. Mund të kem qenë edhe 12 vjeç por kam qnë shumë i prapë si natyrë. Ka qenë një rast kur e ofendoi mamanë time dhe unë u përplasa shumë keq me të. Sepse mamanë e kam idhull, ishte njeriu më i dashur. Babai jo se nuk e donte por kishte sëmundjen e xhelozisë dhe unë e urrej xhelozinë.”– u shpreh Gazmendi.
Më tej ai tregoi se në momentin kur mori vesh se nënës së tij i kishte mbetur shumë pak kohë jetë, ai u ofroi doktorëve gjithçka kishte vetëm që të bënin të mundur që e ëma të jetonte edhe për një javë më shumë.
“Do ikja me Suelën në Vlorë. Ne nuk vonoheshim shumë sepse e kishim me merak. I them Suelës seç kam një mall dua të rri me nënën. Kam ndenjur 10 orë me të duke bërë muhabet, nuk e di më pëlqente shumë, nuk mërzitesha.
Ishte shumë mirë, por më tha dua të them një gjë se e kam me merak. I thashë mos m’i thuaj këto gjëra. Unë me të qeshur i thashë po hë çfarë do thuash.
Më tha asnjëherë nuk ke ndryshuar dhe i ke qëndruar deri tani faktit që ke ndenjur me mua dhe dua të them se jam më e lumtura në botë që të kam djalë. E përqafova dhe e putha. Për 2-3 orë ndodhi, e pati nga zemra. Se nuk vuante nga asnjë sëmundje. Pastaj kalova disa orë shumë të këqija të jetës.
Më thoshte shoqëria gjithmonë si nuk qan, se unë nuk kam qarë kurrë në jetën time, kam qenë shumë i fortë. Por aty u bëra fëmijë dhe sa herë e kujtoj atë moment nuk i mbajt dot lotët.
U thashë doktorëve, iu jap çfarë të doni nga pasuria ime cfarë kam, vetëm që të paktën të jetonte edhe për një javë. Më thanë doktorët nuk bëhet dot asgjë. Më pas pas një ore ndërroi jetë”– tha me lot në sy ish-banori i Big Brother VIP.
