Shakira ka shijuar një intervistë shumë argëtuese me Jimmy Fallon në “The Tonight Show”, ku këngëtarja kolumbiane ka treguar pse i janë dashur kaq shumë vite për të nxjerrë një album të ri.
“Las Mujeres Ya No Lloran” (Gratë nuk qajnë më) është albumi i ri i Shakirës dhe ajo shpjegoi se titulli pasqyron një ndryshim në pritshmëritë sociale për gratë, por zbuloi edhe “faktorin burrë” pse nuk mundi të nxirrte një album të ri shumë më shpejt.
Shakira foli për hendekun prej shtatë vitesh mes albumit të saj të fundit dhe atij të mëparshëm, El Dorado, duke ia atribuar atë ish-bashkëshortit të saj. “Kam bërë muzikë aty-këtu”, shpjegoi këngëtarja, “por mendoj se ishte vërtet e vështirë për mua të bëja një pjesë të punës. Nuk pata kohë. Ishte faktori burrë”.
Pa përmendur emrin e ish-bashkëshortit të saj, Gerard Piqué, këngëtarja deklaroi: “Tani jam pa burrë. Burri po më tërhiqte zvarrë. Tani jam e lirë! Tani mund të punoj në të vërtetë!”.
Superylli kolumbian vuri në qendër të vëmendjes gratë edhe një herë me paraqitjen e saj, duke treguar forcën dhe suksesin e saj në industrinë e muzikës, pavarësisht se sa e vështirë mund të jetë ndonjëherë jeta.
bal
