Nicole Kidman i befasoi së fundi fansat e saj me një nga fotosesionet më të guximshme të karrierës së saj. Ylli hollivudian ka pozuar për revistën Elle në mënyrë shumë provokuese, dhe reagimi i fansave nuk ka qenë ai që prite. Aktorja padyshim shpresonte në një vlerësim për pamjen e saj dhe format fizike pavarësisht moshës. Por ndërsa disa ndjekës e përgëzuan për iniciativën dhe fizikun e aktores tashmë 56 vjecare, mjaft të tjerë e kritikuan ashpër.
“Po tenton të kapet me dëshpërim pas rinisë, ji vetvetja: Ke arritur kaq shumë në karrierë, është koha të qetësohesh, të rrisësh vajzat e tua…”, ka shkruar një fanse.
“Ajo është e dëshpëruar të tregojë se nuk i ka skaduar ende afati, në një kohë kur të 60-tat po i trokasin në derë”, thotë një tjetër komentuese.
Aktorja australiane ka rrëfyer në intervistën e dhënë për revistën Elle se ndihet e plotësuar në këtë moment të jetës së saj. “Kam një jetë të mbushur me njerëzit që dua. Unë rris vajzat e mia, jam grua, jam shoqe e mirë, jam teze. Kam marrëdhënie shumë të thella me njerëzit”, thotë Nicole.
bal
