Shakira ka folur hapur për të gjitha ndryshimet që i kanë sjellë shtatzënitë, jo vetëm në aspektin familjar apo personal, por edhe në atë profesional. E ftuar në emisionin “Hot Ones” në Youtube, ajo tregoi e zëri i saj ka ndryshuar shumë pasi është bërë nënë.
“Vura re se pas shtatzënive zëri im u bë më i trashë dhe më i plotë,” tha ajo. Artistja kolumbiane është e mendimit se ndoshta të qarat e shumta, pasi është bërë nënë dhe i gjithë rrugëtimi i saj në rritjen e dy djemve kanë ndihmuar në ndryshimin e zërit, thote Express.. “E kam tepruar me të qarat e mia. Jam bërë shumë Shakira për ta thënë më troç,” vijoi ajo. Mëmësia e ka prekur dhe në zgjedhjet e saj jetike, duke ndryshuar si grua, e duke marrë vendime më të pjekura! Ylli i muzikës ka dy djem nga martesa me ish-partnerin, ish-futbollistin Gerard Pique, Milan, 11 vjeç dhe Sasha, 9 vjeçe.
Në një intervistë për revistën “Hello”, pak kohë më parë, këngëtarja foli për të gjithë ndryshimet që i solli mëmësia duke thënë se: “Kur ke fëmijë dhe kur ndjen dashurinë e tyre, ndihesh në paqe me botën,” teksa pranoi se mëmësia është një përvojë e mrekullueshme, që ndryshon jetën, por njëherësh edhe një nga gjërat më të vështira për t’u menaxhuar.
bal
