Në Gjermani ka nisur një debat për kufizime të emigracionit, pas daljes së të dhënave se gjysma e krimeve në vend po kryhen nga shtetas të huaj.
“Ky zhvillim shumë negativ tregon se sa e tensionuar është situata me integrimin e të huajve dhe kjo është arsyeja pse ne kemi nevojë urgjente për një kufi të sipërm vjetor të numrit të emigrantëve,” tha Ministri i Brendshëm i Saksonisë, Armin Schuster i CDU.
Zëdhënësi i grupit parlamentar të Unionit CDU/CSU në Bundestag për Punët e Brendshme, Alexander Tromm, i kërkon qeverisë së Olaf Scholz një “kthesë” për politikën e migracionit.
“Kur flasim për emigracionin e refugjatëve, duhet të flasim edhe për imigrimin e atyre që vijnë këtu për shkak të varfërisë”. “Përveç kësaj, shumë emigrantë vijnë në Gjermani kanë përvoja të lidhura me dhunën dhe krimin në vendet e tyre të origjinës,” tha Trom.
Politikanët e opozitës theksojnë veçanërisht faktin se 41 për qind e të gjitha krimeve kryhen nga të huajt, d.m.th. personat pa shtetësi gjermane, pavarësisht se ky grup shtetasish përbën 15 për qind të popullsisë së përgjithshme.
/tiranapost
