O.J. Simpson, ish-kampion i futbollit, i kthyer në aktor, i cili u lirua në përfundimin e një gjyqi të bujshëm me akuzën se vrau ish-bashkëshorten dhe të dashurin e saj, ndërroi jetë nga kanceri konfirmuan familjarët e tij. Ai ishte 76 vjeç. “Më 10 prill, babai ynë, Orenthal James Simpson, u dorëzua përballës betejës së tij me kancerin. Ai ishte i rrethuar nga fëmijët dhe nipërit e tij. Gjatë kësaj kohe tranzicioni, familja e tij kërkon që ju lutemi të respektoni dëshirat e tyre për privatësi”, ishte mesazhi i përcjellë prej të afërmve të aktorit në platformën X. Edhe pse Simpson nuk u shpall fajtor për vdekjen e Nicole Brown Simpson dhe Ronald Goldman, tre vjet pas gjyqit penal ai u gjet përgjegjës në një padi civile të paraqitur nga të afërmit e viktimave.
Më 12 qershor 1994, ish-gruaja e tij Nicole Broën Simpson dhe partneri Ronald Goldman u gjetën të vrarë jashtë banesës së saj në Brentëood. Simpson, i cili nuk e kishte kundërshtuar një akuzë për dhunë në familje kundër Nicole Broën Simpson kur ata ishin të martuar, u konsiderua një person me interes në vrasjet dhe kundër tij u ngritën akuza. Në vend që të dorëzohej, shpërtheu një spektakël mediatik kur ai u përpoq të largohej me Ford Bronco-n e tij të bardhë dhe policia e ndoqi nga pas. Ndjekja televizive e 17 qershorit tërhoqi një audiencë prej rreth 95 milionë njerëzish. Gjyqi që pasoi u kthye në një cirk mediatik dhe Simpson u shpall i pafajshëm për dy vrasjet. Por në vitin 1997, familja e Goldman ngriti një padi civile kundër tij, dhe ai u gjet përgjegjës për vdekjet, e u urdhërua të paguante 33.5 milionë dollarë si dëmshpërblim.
bal
