Dy nga mësueset e shkollës fillore të Taylor Swift kanë treguar se këngëtarja shkruante poezi pa pushim në shkollë. E lavdëruar shpesh për aftësitë e saj në shkrimin e këngëve, publikimi i albumit të fundit të Swift ka bërë që të përqendrohet edhe më shumë në të kaluarën e saj dhe çfarë e çoi atë në këtë fazë të karrierës së saj.
Albumi i saj i 11-të, “The Tortured Poets Department”, bëri që dy nga mësuesit e saj të vjetër të flisnin për CBS Philadelphia për dashurinë e Swift për muzikën dhe se si ishte ajo si fëmijë.
Barbara Kolvek, mësuesja e muzikës në shkollën fillore të Swift, tha për median se fituesja e Grammy-t, 34 vjeçe, dëshironte të bëhej këngëtare në klasën e dytë. “Ajo gjithmonë shkruante poezi, gjithmonë, edhe në klasën e muzikës, edhe kur nuk duhej”, tha Kolvek.
Kolvek tani është në pension, por ajo ishte mësuese e muzikës së Swift nga klasa e parë deri në të katërt dhe tha se ato mbajtën lidhje për një kohë. “Më duket sikur i kam dhënë asaj një shkëndijë të vogël ose inkurajim për të bërë atë që po bën”, tha Kolvek.
Heather Brown, mësuesja e klasës së tretë të Swift, foli për “cilësinë e veçantë” të Swift. “Ju gjithmonë e mbani mend çdo student nga cilësia që ka. Cilësia e Taylor ishte thjesht të qenit një nga ato studente ku njerëzit thjesht tërhiqeshin”.
Brown madje zbuloi se ajo ende i dërgon kartolinat e Krishtlindjeve Swift, por tha se “ajo ndoshta nuk i merr më mesazhet”. Duke vënë në dukje se gjithçka që prek Swift “shndërrohet në ar”, ajo shtoi se “është shumë e emocionuar për të parë se çfarë do të vijë më pas”. “Kur ajo del në skenë dhe të gjithë bërtasin ‘Taylor’, është sikur, oh Zot, kam qenë mësuese e saj”, tha Brown.
bal
